Adineko bikote batek etxegabetze egunari aurre egiten dio. Berrogei urte daramatzate etxe honetan, auzo honetan, eta gaur behin betiko utzi behar dute ezkondu ondoren erositako etxebizitza. Polizia bere balkoiaren azpian dago jada, eremua moztuta eta epailearen agindua betetzeko prest. Auzoko bizilagunak aurrean elkartzen dira bertaratzeko eta, agian, sortzen den egoera salatzeko. Marinok ez du onez onean alde egin nahi eta amaierara arte eutsi nahi dio. Horretarako estrategia ezberdinak bilatuko ditu, ez dago dudarik. Gai honekin lehenbailehen amaitu nahi du Begoñak. Lotsa handia du sartuta dauden egoeraz, baina ez ditu bereak diren gauzak etxebizitza barruan utzi nahi, bankuak nork daki zer egin dezan. Azken finean, bere oroitzapenak dira, edo hobeto esanda, bere bizitza. Ikusiko dugu nola bukatzen den hau guztia. Justizia egingo al da? Eta justizia egiten bada, esango al dugu antzezlanaren amaieran “bankuak beti irabazten duela”?